Бухоро вилояти Ромитан туманида 1,1 миллиард сўмлик табиий газдан ўғринча фойдаланиш ҳолати фош этилди.

“Ҳудудгазтаъминот” АЖ томонидан туманда ўтказилган шундай тадбирлардан бирида табиий газдан ноқонуний фойдаланиш ҳолати аниқланди. Туманнинг “Челонғу” маҳалла фуқаролар йиғини ҳудудида жойлашган “R.A.O.” МЧЖда хатлов ўтказилганда, истеъмолчи газ ҳисоблагичдан ташқари яширин тармоқ тортиб, газдан ўғринча фойдаланиб келаётгани маълум бўлди.

Мазкур ҳолат юзасидан далолатнома тузилиб, 1 миллиард 99 миллион сўм зарар қайта ҳисоб-китоб қилинди. Барча ҳужжатлар ҳуқуқ-тартибот органларига юборилди.

Зариф Комилов, ЎзА мухбири.