Ғарб Россия ва КХДР яқинлашувидан хавотирда
НАТО Бош котиби Йенс Столтенберг Россия Федерацияси ва Шимолий Корея ўртасида кенг қамровли стратегик шериклик тўғрисидаги шартнома имзоланганига изоҳ берар экан, бу Ғарбни “яна ҳам жипслашишга” ундаши кераклигини айтди.
– Ушбу шартнома томонлар бир-бирини қандай қўллаб-қувватлаётганини кўрсатиб турибди, – деди Столтенберг Канадага ташрифи чоғида. – Россия, Шимолий Корея, Хитой ва Эрон бирлашаётганига жавоб тариқасида биз ҳам тобора жипслашишимиз керак. Бу ҳозир ҳар қачонгидан ҳам муҳим.