Ғаллакорлар белгиланган режани забт этди
Сирдарё вилояти Гулистон тумани ғаллакорлари ҳар гектар ердан ўртача 60-70 центнер ҳосил олиб, юртимиз хирмонига 19 минг 729 тоннадан ортиқ сара дон топширди.
– Бу ғалабанинг илдизи чуқур ва мустаҳкам. Президентимиз ташаббуси билан сўнгги йилларда қишлоқ хўжалигида амалга оширилаётган туб ислоҳотлар, жумладан, кластер тизимининг жорий этилиши, бозор муносабатларининг ривожлантирилиши, деҳқон ва фермер хўжаликларининг ерга бўлган муносабатини тубдан ўзгартиришга қаратилган янгича ёндашувлар бугунги зафарнинг асосий пойдеворига айланди, – дейди туман ҳокими вазифасини бажарувчи Олимжон Жўраев.
Ғулом Примов, ЎзА мухбири