Пойтахтимизнинг Чилонзор туманида “Тошкент ёшларни севади” шиори остида “Янги Ўзбекистонда эркин ва фаровон яшайлик!” номли гала-концерт дастури бўлиб ўтди.

Чилонзор туман хокимлиги, Ёшлар ишлари агентлиги туман бўлими, Маданият бўлими, Туризм ва спорт бўлими, Маънавият ва маърифат маркази ҳамда қатор ҳамкор ташкилотлар томонидан ташкил этилган концерт дастурида маҳалла ёшлари ҳамда фаоллари иштирок этди.

Тадбир давомида турли кўнгил очар намойишлар, саҳна кўринишлари, кўнгилли ёшлар ҳамда таниқли санъаткорлар ижросида куй ва қўшиқлар ижро этилди. Кўтаринки руҳда ташкил этилган байрам кечаси барчага бирдек манзур бўлди.

Гулноза Бобоева, ЎзА