Футзал: Ўзбекистон ўсмирлар терма жамоасига номзодлар сараланмоқда
Шу кунларда Тошкент ахборот технологиялари университети спорт мажмуасида футзал бўйича Ўзбекистон ўсмирлар терма жамоасига иқтидорли ёшларни саралаш бўйича ўқув-йиғин машғулотлари ташкил этилмоқда.
Йиғинга Ўзбекистон футзал федерацияси томонидан республика бўйлаб сараланган иқтидорли ўсмирлар жалб этилган.
Бугун, 10 июль куни мамлакат ўсмирлар терма жамоасига номзод ёш футболчилар сўнгги кунги амалий ва назарий машғулотлар ҳолатида кўрикдан ўтказилади.
Шу асосда халқаро майдонда ўтиши кутилаётган чемпионат ва мусобақаларда ватанимиз шарафини ҳимоя қиладиган футзал бўйича Ўзбекистон ўсмирлар терма жамоаси таркиби шакллантирилиши режалаштирилган.
Т.Рўзиев,
ЎзА