Океан ортидаги уч мамлакатда футбол бўйича ўтадиган Жаҳон чемпионатига тайёргарлик кўраётган Ўзбекистон миллий терма жамоаси Канада билан ўртоқлик учрашувида майдонга тушади.

Бу ҳақда хабар берган Канада футбол ассоциацияси мазкур ўйин жорий йилнинг 1 июнь куни ўтказилишини эълон қилди.

Канада-Ўзбекистон футбол жамоалари ўртасидаги қарама-қаршилик Эдмонтондаги "Commonwealth" (Ҳамдўстлик) стадионида ўтказилиш режалаштирилмоқда.

Мундиалга тайёргарликнинг бир қисми саналадиган мазкур ўйин ҳақида фикр билдирган Канада бош мураббийи Жесси Марш бу ўйин мухлислар билан яқинлашиш ва тарихимиздаги энг катта турнир олдидан жамоамиз ўйинини намойиш этиш учун ажойиб имконият, дея таъкидлади.

Т.Рўзиев,

ЎзА