Fransiyaning yetakchi nashrlaridan biri “Le Figaro” O‘zbekistonning boshqaruv sohasidagi islohotlari, Prezident Shavkat Mirziyoyev rahbarligida mamlakatimizda amalga oshirilgan muhim tashabbuslarni yoritdi.

Jumladan, Xalq qabulxonalari va Virtual qabulxona – fuqarolar va hukumat o‘rtasida to‘g‘ridan-to‘g‘ri muloqotni ta’minlash, raqamli platformalar – fuqarolarning davlat siyosatini shakllantirishda ishtirok etishi, Tashabbusli byudjet va “Ochiq byudjet” portali – jamoatchilikning davlat xarajatlarini belgilashdagi ishtirokini ta’minlashi kabi masalalarga urg‘u berilgan.

Darhaqiqat, fuqarolik jamiyati va mustaqil OAVni rivojlantirish, davlat boshqaruvida jamoatchilik manfaatlarini kafolatlash yo‘lidagi islohotlar O‘zbekistondagi demokratik rivojlanishning tarixiy bosqichi bo‘lib, Markaziy Osiyodagi davlatlar uchun yangi namuna yaratmoqda. “Le Figaro” nashrida ayni masalalarga ham urg‘u berilgan.

A.RUSTAMOV, O‘zA