Сурхондарё илк бора умумтаълим мактаблари ўқувчилари ўртасидаги асосий фан олимпиадасининг республика босқичига мезбонлик қилди. Юртимизнинг барча ҳудудларидан келган иштирокчилар воҳада кўтаринки руҳда қарши олинди.

Асосий олимпиаданинг очилиш маросими Термиз шаҳридаги 16-умумтаълим мактабида бўлиб ўтди. Унда Мактабгача ва мактаб таълими вазирлиги ҳамда вилоят мактабгача ва мактаб таълими бошқармаси масъуллари иштирок этди. 

Икки кун давом этган олимпиадада тожик тили, география, тарих ва информатика фанлари бўйича синовларда жами 154 нафар 11-синф ўқувчиси қатнашди. Шунингдек, ёшларнинг вақтини мазмунли ташкил этиш мақсадида вилоятдаги диққатга сазовор манзилларга саёҳатлар уюштирилди. 

[gallery-16638]

Ғолибларни тақдирлаш маросими Термиз шаҳридаги 26-мактабда бўлиб ўтди. 

Олимпиада натижаларига кўра, биринчи ўринга сазовор бўлган ўқувчилар пул мукофоти ҳамда ғолибликни қўлга киритган фанидан ОТМларга кириш имтиҳонларида максимал балл бериладиган имтиёзга эга бўлди. Қолаверса, иштирокчиларга вилоят ҳокимлигининг қимматбаҳо совғалари топширилди.

<iframe width="650" height="420" src="https://www.youtube.com/embed/edyHoKQX-5U" title="Fan olimpiadasi gʻoliblari taqdirlandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жонибек ҚЎЗИМУРОДОВ (сурат), ЎзА