Европа социалистлари миграция масаласида тортишиб қолди
Европа социалистлари партиясида миграция сиёсати бўйича жиддий келишмовчилик юзага чиқди. Италия ва Испания вакиллари Дания Бош вазири Метте Фредериксен ҳамда Италия Бош вазири Жоржа Мелонидан Испанияни танқид қилгани учун норози. Улар Қироллик ҳукуматини қитъа давлатларига нисбатан ҳар хил муносабатда эканлиги учун айблаган.
Баҳс июль охирида Испанияга қарашли Сеута ҳудудида юз берган миграция инқирозидан кейин бошланди. Ўшанда Марокашдан 72 000 га яқин одам ушбу мухтор ҳудудга ноқонуний равишда ўтган. Фредериксен Испаниянинг миграция сиёсати етарлича самарали бермаётганини танқид қилган ва Мелони билан бирга Испанияни танқид қилган 22 давлат қўшма мурожаатини қўллаб-қувватлаган.
Айнан шу воқеа туфайли ўз норозилигини изҳор қилган Италия ва Испания социалистлари Дания аввал Европа давлатларидан ёрдам олганини эслатиб, Фредериксеннинг Мелони билан бир позицияда туришини нотўғри, деб ҳисобламоқда. Қироллик социал-демократлари эса ўз қарашидан қайтмаслигини билдирди. Партия Европа ташқи чегараларини кучайтириш ва мигрантларни Европа ҳудудидан ташқаридаёқ қайтариш марказлари ташкил этиш ғоясини маъқулламоқда.
Шунга қарамай, ҳозирча Дания социал-демократларини Европа социалистлари партиясидан чиқариш масаласи кун тартибига чиққани йўқ. Томонлар умумий келишувга эришиш ҳаракатида. Масала партия раҳбариятининг 15-16 октябрь кунлари бўлиб ўтадиган ЕИ саммити олдидан ўтказиладиган йиғилишида муҳокама қилиниши кутиляпти.
Мусулмон Зиё, ЎзА
