Олмалиқ шаҳрида мустақиллигимизнинг 30 йиллиги муносабати билан “Янги Ўзбекистонда эркин ва фаровон яшайлик!” ғоясини ўзида мужассам этган “Энг улуғ, энг азиз” анънавий республика танловининг Тошкент вилояти босқичи ўтказилди.

Танловнинг вилоят босқичи учун ҳакамлар ҳайъатига босма ОАВ йўналишида 182 та, телевидение ва радио йўналишида 47 та, адабиёт йўналишида 114 та, дизайн йўналишида 78 та, фото йўналишида 156 та, тасвирий санъат йўналишида 44 та ижодий ишлар келиб тушган. Шу асосида барча ижодий ишлар кўриб чиқилиб, энг сара ижодий иш муаллифлари танлаб олинди.

Хусусан, босма ОАВ йўналишида Ўзбекистон Миллий ахборот агентлиги Тошкент вилояти шарҳловчиси А.Мусаев биринчи ўринга сазовор бўлди. Иккинчи ўрин “Тошкент ҳақиқати” ва “Ташкентская правда” газеталари мухбири Нигора Ўроловага, учинчи ўрин “Олмалиқ ҳақиқати” газетаси саҳифаловчиси Саодат Адуқуловага насиб этди.  

Шунингдек, Телевидение ва радио йўналишида биринчи ўрин “Ўзбекистон-24” телерадиоканали ҳудудий мухбири Ҳомид Тешаев, иккинчи ўрин “Ўзбекистон –24” радиоканали мухбири Нигматилла Гулметов, учинчи ўрин эса “Олмалиқ кон металлургия комбинати” АЖнинг “ОКМК ТВ” телеканали мухбири Нурсора Ғайратовалар муносиб кўрилди.  

Танловнинг адабиёт йўналишида “Мендирман ўшал” шеъри учун Ўзбекистон Ёзувчилар уюшмасининг ёшлар бўйича ўринбосари Ботиржон Эргашов биничи ўринни эгаллади. “Тошкент ҳақиқати” ва “Ташкентская правда” газеталари муҳаррири Ғайрат Шералиев “Дақиқ, дақиқалар” китоби учун иккин ўринни ва “Машъал” газетаси муҳаррир ўринбосари Маъмуржон Бозаралиевга яхши шеърлари учун учинчи ўринга лойиқ топилди.  

Фото ва тасвирий санъат йўналишида биринчи ўрин Мирбосит Мирсоатов, иккинчи ўрини фато дизайн Тохир Маҳмудхўжаев ва учинчи ўринни дизайн ишлари учун Сардор Маҳмудов олди.

 

А. Мусаев, ЎзА