Куни кеча Туркия Исроил билан дипломатик алоқа бутунлай тўхтатилганини маълум қилди. Бу қадам мамлакат етакчиси Режеп Таййип Эрдоғаннинг сионистик режимга қарши кескин чиқишлари асносида ташланди.

– Биз Исроил билан алоқани уздик, – деди Туркия Президенти. – Ҳозир бу давлат билан ҳеч қандай боғлиқлигимиз йўқ.

ЎзА мухбири Яқин Шарқ ҳудудида содир бўлаётган воқеаларни чуқурроқ таҳлил қилиш мақсадида Тошкент давлат шарқшунослик университети Халқаро муносабатлар кафедраси ўқитувчиси Равшан Ғозиев ва сиёсий фанлар бўйича фалсафа доктори Ҳабибулло Азимовга мурожаат қилди.

2023 йил октябрь ойида Ғазо секторида “ЦАХАЛ” амалиёти бошланди ва шундан бери Туркия мазкур жараённи бир неча бор қоралаб, Тель-Авивни оддий аҳоли қирғин қилинишиида айблаб келади. Бир пайтлар Исроилни мустақил давлат сифатида биринчилардан бўлиб эътироф этганига қарамай, сўнги пайт Анқара бир неча бор ўт очишни тўхтатишга чақириб, сионистик режимга босим ўтказмоқда. Май ойи бошида эса Туркия Савдо вазирлиги Исроил билан олди-сотди батамом узилганини билдирган.

<iframe width="650" height="420" src="https://www.youtube.com/embed/YR_-8lP7h3o" title="Erdogʻan nimadan xavotirda?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мусулмон Зиё, Дониёр Ёқубов (видео), ЎзА