“Ўзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқларни эътироф этиш тўғрисида”ги Ўзбекистон Республикаси Қонуни ижросини таъминлаш борасида адлия ва кадастр идоралари томонидан салмоқли ишлар амалга оширилмоқда.

Халқ депутатлари Наманган вилояти Кенгашининг навбатдаги тўққизинчи сессиясида ўзбошимчалик билан эгаллаб олинган ерлар ҳамда уларда қурилган иншоотларга бўлган ҳуқуқларни эътироф этиш ҳақидаги масала атрофлича кўриб чиқилди. Депутатлар иштирокидаги кенг муҳокамалардан сўнг Наманган туманида истиқомат қилувчи олти нафар, Учқўрғон туманида яшовчи 11 нафар, жами 17 кишининг якка тартибдаги уй-жойларига ва ер участкаларига нисбатан ҳуқуқларини эътироф этиш бўйича халқ депутатлари Наманган вилоят Кенгашининг қарори қабул қилинди. 

– Эгалик ҳуқуқларини эътироф этиш натижасида фуқаролар ва тадбиркорларнинг мулклари қонунийлаштирилади ҳамда фуқаролар ўртасидаги мулкий низолар, шу жумладан, мерос билан боғлиқ муаммоларга ечим топилади. Қолаверса, ҳудудларни ривожлантириш билан боғлиқ ҳужжатларни ишлаб чиқишдаги камчиликлар камаяди. Энг муҳими шундаки, аҳолининг кайфиятига ижобий таъсир кўрсатади. Қонун ижроси адлия бошқармаси томонидан доимий назоратга олинган бўлиб, келгусида ҳам вилоятнинг барча шаҳар, туманларида 280 нафардан ортиқ кадастр ходими томонидан “Эътироф” дастури бўйича режа-график жадвали асосида ҳуқуқларни эътироф этиш ишлари давом этмоқда, – дейди Наманган вилояти адлия бошқармаси бошлиғининг ўринбосари Улуғбек Исматуллаев. 

<iframe width="640" height="420" src="https://www.youtube.com/embed/afBXjzdLLfQ" title="Yer va uylarga egalik huquqi eʼtirof etilmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Эътиборлиси, хатлов натижалари билан шаффоф тарзда etirof.kadastr.uz сайтига кириб дастурдаги барча жараёнлар билан танишиш мумкин. 

Оқилхон Дадабоев, (видео,сурат), ЎзА