Ангрен шаҳридаги "Кимёгар" стадионида футбол бўйича ДХХ кубогининг Тошкент вилояти босқичининг финал ўйини ўтказилди.

Унда Оҳангарон тумани шарафини ҳимоя қилган "Ўзбекистон" МФЙ жамоаси Юқори Чирчиқ туманининг "Навбаҳор" МФЙ жамоасига қарши тўп сурди. Ўйин шиддатли ва хавфли вазиятларга бой бўлди. Асосий вақт 2-2 ҳисобидаги дуранг билан якунланди. Шундан сўнг пенальтилар сериясида "Навбаҳор" жамоаси ғолибликни қўлга киритди. Юқори Чирчиқ тумани ёшлари – "ДХХ кубоги-2023" ўйинларининг Тошкент вилояти босқичи чемпиони бўлди.

Шунингдек, "ДХХ кубоги – 2023" мини футбол бўйича вилоят босқичи финал ўйинида Бўка тумани ёшлари ва Юқори Чирчиқ тумани жамоасига қарши майдонга тушиб, ғалабани қўлга киритди. Ташкилотчилар томонидан ғолиб ва совриндорлар муносиб тақдирланди. 

Таъкидлаш лозимки, қаторасига иккинчи бор 16 ёшдан 30 ёшгача бўлган ёшлар ўртасида ташкил этилган мазкур мусобақанинг ҳудудий босқичларида Тошкент вилоятининг 1 минг 20 тадан ортиқ маҳаллаларининг ёшларидан тузилган жамоалари иштирок этди. Ҳар бир жамоа ўз маҳалласи шарафини муносиб ҳимоя қилиш учун имкон қадар ҳаракат қилди. 

А.Мусаев,ЎзА.