![](https://cdn.uza.uz/2022/10/20/07/02/KFDQgW6GTz46RJgGv3eDcGTb6qUXUj6Z_normal.png)
ФОТОРЕПОРТАЖ
Бухоро вилояти Когон туманида куз-қиш мавсумига тайёргарлик доирасида электр таъминоти узлуксизлигини таъминлашга қаратилган қатор чора-тадбирлар бажарилди.
Туманнинг “Хўжа якшаба”, “Сорғун” маҳалла фуқаролар йиғинида ҳам бу борада намунали ишлар ташкил этилган.
[gallery-9204]
“Обод қишлоқ” Давлат дастури асосида “Когон туман электр таъминоти” корхонаси томонидан қурилиш-монтаж ишлари олиб борилиб, Хўжа якшаба маҳалласида 90 та темир бетон таянч тикланди. Иккита трансформатор пунктининг қуввати оширилиб, 250 киловольт-ампер қувватидаги янги трансформатор пунктлари ўрнатилди. 4100 метр узунликдаги ҳаво электр узатиш тармоғи янгидан тортилди.
Сорғун маҳалласи ҳудудида 130 дона мустаҳкам темир бетон таянчи янгидан қурилди. 5 та трансформатор пунктида мукаммал таъмирлаш ишлари бажарилиб, қуввати 100 киловольт-ампер бўлган трансформатор 250 киловольт-ампер бўлган трансформатор пунктига алмаштирилди. Шунингдек, 5500 метр узунликда 0,4 кВ кучланишдаги ҳаво электр узатиш тармоғи янгиланиб, замонавий СИП кабеллари тортилди.
Тоҳир ИСТАТОВ (сурат),ЎзА