Эртага Мўғулистон пойтахти Улан-Батор шаҳрида дзюдо бўйича "Катта дубулға" туркумидаги нуфузли турнир бошланади.

Бугун, 24 июль куни нуфузли мусобақада иштирок этаётган дзюдочилар учун қуръа ташлаш маросими, ҳакам ва мураббийлар учун семинар машғулотлари ўтказилди.  

Мукофот жамғармаси 154 минг еврони ташкил этувчи ушбу мусобақада дунёнинг 28 давлатидан 236 нафар маҳоратли дзюдочилар медаллар ва рейтинг очколари учун кураш олиб боради.  

Айтиш лозим, Улан-Батор татамиларида кечадиган нуфузли мусобақа беллашувларида терма жамоамизнинг 12 нафар аъзоси юртимиз шарафини ҳимоя қилади.  

Қуръа натижалари қуйидагича бўлди:  

-48 кг: Улбусин Ҳакимова – Мишил Алтаншагаи (Мўғулистон)  

-52 кг: Фотимахон Турсунбоева – Глафира Борисова (ИЖФ)  

-52 кг: Муҳайё Аҳматова – Толганай Абеуова (Қозоғистон)  

-57 кг: Нилуфар Ермаганбетова – Чжоу Сзя (Хитой)  

-60 кг: Достон Рўзиев – Ричард Вергнес (Франция)  

-66 кг: Абдураҳим Нутфуллоев – Билет Эрденетсогт (Мўғулистон)  

-66 кг: Артём Штурбабин – Бауржан Нарбаев (Қозоғистон)  

-73 кг: Ҳожиакбар Тошев – Мате Беруашвили (Грузия)/ Лин Гаохуей (Хитой)  

-81 кг: Муроджон Йўлдошев – Абдул-Керим Тасуев (ИЖФ)/Алмазжан улу Тегин (Қирғиз Республикаси)  

-81 кг: Амирбек Аминов – Коте Капанадзе (Грузия)  

-90 кг: Умар Бозоров – Дагвадорж Церендулам (Мўғулистон)/Ли Нам Хун (Корея Республикаси)  

+100 кг: Ўткирбек Тўрабоев – Мансур Раҳмон (Тожикистон)/Ҳангарид Гантулга (Мўғулистон).  

"Катта дубулға" туркумидаги халқаро турнир беллашувлари 27 июлга қадар давом этади.  

Тўлқин Рўзиев, ЎзА