ФОТОРЕПОРТАЖ

Наманган вилояти ҳокими Шавкат Абдураззоқов Давлатобод туманида барпо этилаётган “Янги Ўзбекистон боғи” қурилиши билан танишди. 

Боғ лойиҳаси атрофлича таҳлил қилиниб, ўзига хос ландшафт дизайни яратиш бўйича қўшимча тавсиялар берилди. Таъкидлаш жоиз, бу ерда “Янги Ўзбекистон боғи”га ҳамоҳанг “Ёзги амфитеатр” ҳам қад ростламоқда. Вилоят раҳбари ҳар икки қурилиш жараёнини кўздан кечириб, масъулларга тегишли топшириқ ва кўрсатмалар берди.

Шундан сўнг “Янги Ўзбекистон боғи”да “Яшил макон” умуммиллий лойиҳа асосида баҳорги экиш ишларига киришилди. Бу йилда ҳудудга 10 минг тупдан зиёд манзарали, ноёб дарахт ўтқазилиши режалаштирилган бўлиб, ҳозирга қадар унинг 2 минг тупи экиб бўлинди. Бугуннинг ўзида улар сони яна 500 тага ошди. 

[gallery-16837]

Ҳотам МАМАДАЛИЕВ (сурат), ЎзА