ФОТОРЕПОРТАЖ

Наманган шаҳрининг кириш эшиги ҳисобланган Давлатобод янги ташкил этилган туманлардан. Ҳудудда аэропорт жойлашгани боис, вилоятга ташриф буюрувчи меҳмонлар аввало, шу туманда тўхтаб ўтади. Шу боис, унинг обод ва кўркам бўлиши муҳим аҳамиятга эга. 

Манзилли режага асосан, Давлатобод туманида 850 минг туп гул кўчати  экиш режалаштирилган бўлиб, аллақачон вилоят гулчилари бу тадбирга уюшқоқлик билан киришган. Кўча ва хиёбонлар, дам олиш масканлари, йўл бўйлари гулга бурканмоқда. 

[gallery-6398]

Ҳозирда туман ободонлаштириш бошқармаси ходимлари ҳудудга 68 минг туп кичик атиргул, 45 минг туп катта бўйли атиргул, 55 минг туп виола, 3 минг туп шафран, 1500 минг туп зиния, 200 туп пеларгония, 1500 туп сальвия, 4 минг 200 туп майда гулли петуния, минг туп геран, 3 минг туп оддий петуния ҳамда 500 минг туп миллийлигимиз акс этган хушбўй райҳон экиш ишларини бажармоқда. 


 

Ҳотам МАМАДАЛИЕВ (сурат),ЎзА