Давлат Бобонов ва 2 нафар дзюдочимиз Испанияда
Бугун, 17 август куни Испаниянинг Валенсия шаҳрида дзюдо бўйича бошланган халқаро ўқув-машғулот йиғинида Токио-2020 олимпия ўйинлари совриндори Давлат Бобонов қаторида яна 2 нафар спортчимиз қатнашмоқда.
Осиё, Европа ҳамда океан орти давлатларидан Испанияда жам бўлган минг нафарга яқин дзюдочилар сафида терма жамоамизнинг етакчи дзюдочиларидан Шаҳрам Аҳадов, Олимпия ўйинлари совриндорлари Давлат Бобонов ва Алишер Юсупов машғулотларга киришди.
Валенсияда кечадиган машғулотлар жараёнида дзюдочиларимизга терма жамоа мураббийи Нурали Қобулов ҳамроҳлик қилмоқда.
Халқаро ўқув-машғулот йиғини 24 августга қадар давом этади.
Т. Рўзиев, ЎзА