Юртимизда камол топган улуғ муҳаддислар, фозилу фузалоларнинг номини бутун дунёда яхши билишади. Бобокалонларимиз билан нафақат фахрланиш, балки уларнинг бой маънавий меросини тадқиқ ва тарғиб этиш биз авлодларнинг бурчидир.

Ўзбекистон Буюк алломалар юрти деганимизда дунёни ўз илми билан ларзага солган ҳадис илмининг султони Муҳаммад ибн Исмоил ал-Бухорий, алгебра фанига асос солган Мусо ал-Хоразмий, ернинг ўлчови ҳақида дастлабки маълумотларни IX асрда бера олган Аҳмад Фарғоний, улуғ қомусий аллома, биринчи бўлиб ер шари глобусини яратган Абу Райҳон Беруний, медицина отаси деб тан олинган Абу Али ибн Сино, “Шарқ Аристотели” Абу Наср Фаробий, 1018 та юлдузни ҳолатини ва жойлашувини XV асрдаёқ баён қилиб берган Мирзо Улуғбек, калом илмининг етук алломаси Имом Мотурудий, ўзбек тилининг асосчиси, жаҳон адабиёти тарихидаги порлоқ юлдуз ҳазрат Алишер Навоий ва яна шунга ўхшаш минглаб азиз авлиё, олиму уламо, фозилу фузалоларни мисол келтира оламиз.

Ўзбекистон Миллий кутубхонасида Сергели тумани 47-мактабнинг 8-9-синф ўқувчилари ва уларнинг устозлари иштирокида "Буюк алломаларимиз ёшлар нигоҳида" номли адабий кеча ўтказилди.

Тадбирда ўқувчилар ўзларининг адабий чиқишлари билан иштирок этишди. Ёш авлоднинг ўз алломаларининг ҳаёти ва ижоди, мерос бўлиб қолган илмларга бўлган қизиқиши кундан-кунга ортиб бораётгани алоҳида эътирофга лойиқ. Зеро тарихни билмай туриб, мустақил, илмли келажакни барпо этиш имконсиздир.

<iframe width="1250" height="703" src="https://www.youtube.com/embed/HQSItLzvLK8" title="Buyuk allomalarimiz yoshlar nigohida" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, Н. Абдувоитов