Бухоро давлат университетининг 21 нафар профессор-ўқитувчилари Қозон халқаро лингвистик саммитида иштирок этди.

Саммитда дунёнинг 27 давлатидан тилшунос, адабиётшунос олимлар ва юқори мартабали меҳмонлар қатнашди. Жумладан, Бухоро давлат университетининг ўзбек тили ва адабиёти кафедраси профессор-ўқитувчилари анжуманнинг турли секцияларида маъруза қилди. Илмий соҳада ўзаро ҳамкорлик масалаларида ўтказилган давра суҳбатларида фаол қатнашишди.

Бухоролик профессор-ўқитувчилардан 11 нафари Филология ва маданиятлараро коммуникация институтининг рақамли технологиялар Edu Tech марказида, 4 нафари Бутлеров номидаги Химия институтида, 1 нафар тадқиқотчи Математика-механика институтида малака ошириш курслари ва стажировкаларни ўташни бошлашди.  

Зариф Комилов,  

ЎзА