Бухорода 4 та боғча ҳамда педагогика коллежи карантинга олинди
Бухоро вилоятида 440 та давлат мактабгача таълим ташкилотлари мавжуд.
Вилоят мактабгача таълим бошқармаси ахборот хизматининг хабарига кўра, жорий йилнинг 5 июль ҳолатига кўра, 4 та давлат мактабгача таълим ташкилотининг 22 нафар ходимларида ва Бухоро шаҳридаги педагогика коллежининг 3 нафар ходимида коронавирус инфекцияси аниқланган. 4 та боғча ва педагогика коллежи 14 кунлик карантинга олинган.
Бугунги кунда юртимиздаги эпидемиологик ҳолатни инобатга олган ҳолда жамоат транспортида, таълим даргоҳлари ҳамда жамоат жойларида тиббий ниқоблардан фойдаланиш, карантин талабларига қатъий риоя этиш зарур. Болажонларимиз саломатлиги учун масъулиятни ҳис этиш ҳар биримиз учун муҳимдир.
Зариф Комилов, ЎзА