“Ўзбекнефтгаз” АЖ Бошқарув раиси Меҳриддин Абдуллаев 1969 йил 21 май куни Бухоро вилояти Жондор туманида туғилган.

Меҳриддин Абдуллаев 1993 йил Тошкент давлат иқтисодиёт университетини ва 2005 йилда Тошкент давлат юридик институтини тамомлаган. Меҳнат фаолиятини 1993-1994 йилларда Марказий банкининг   Бухоро вилояти Жондор туман бўлими бош иқтисодчиси лавозимидан бошлаган. 1994 йилдан 2006 йилгача Марказий банк тузилмасида турли бошқарув лавозимларида ишлаган. 2006-2010 йилларда у Ўзбекистон Миллий банки Бошқаруви раисининг биринчи ўринбосари бўлиб ишлаган.

2010-2012 йилларда Молия вазирлиги ҳузуридаги бюджетдан ташқари Пенсия жамғармасининг ижро этувчи директори, 2012 – 2015 йилларда молия вазирининг ўринбосари, 2015-2016 йилларда Молия вазирлиги ҳузуридаги Республика йўл жамғармаси ижрочи директори бўлиб ишлаган.

2016 йилдан Бухоро вилояти ҳокимининг маъмурий масалалар, ҳуқуқни муҳофаза қилиш органлари, ўзини ўзи бошқариш органлари ва ёшлар сиёсати фаолиятини мувофиқлаштириш бўйича биринчи ўринбосари лавозимида ишлаган. 2020 йилдан буён "Ўзбекнефтгаз" АЖ Бошқарув Раиси ҳисобланади.

***

P/S: Сайтимизда ташкил этилган “Бугун туғилган кун” лойиҳасида турли соҳаларда мамлакатимиз равнақига ўз ҳиссасини қўшаётган инсонлар, давлат ва жамоат арбоблари, академиклар, эл севган ижодкорлар ҳамда касби, танлаган йўлида юқори натижаларга эришаётган ватандошларимизнинг туғилган кунлари эсга олинади.

Мазкур рукнга оид фикр-мулоҳазаларингиз, таклиф ёки қўшимчаларингиз бўлса, қуйидаги манзилларга мурожаат қилишингиз мумкин.

Телеграм: @UzA_pochta

E-mail: pochta@uza.uz,uzauz@yandex.ru

Телефон: (71) 233-42-84, (71) 233-21-37

Сайтимизни кузатиб боринг!