Тошкент ирригация ва қишлоқ хўжалигини механизациялаш муҳандислари институти ректори Ўктам Умурзоқов 1952 йил 20 августда Жиззах вилояти Зомин туманида туғилган.

20 август

Тошкент ирригация ва қишлоқ хўжалигини механизациялаш муҳандислари институти ректори Ўктам Умурзоқов 1952 йил 20 августда Жиззах вилояти Зомин туманида туғилган.

Ў.Умурзоқов 1974 йил Тошкент ирригация ва қишлоқ хўжалигини механизациялаш муҳандислари институтини тугатган. У иқтисод фанлари доктори, профессор. Меҳнат фаолиятини 1974 йил Тошкент ирригация ва қишлоқ хўжалигини механизациялаш муҳандислари институти "Машиналар пухталиги ва ремонти" кафедраси ассистенти, кичик илмий ходими вазифасидан бошлаб, таълим соҳасида масъул вазифаларда ишлаб келди. Ў.Умурзоқов 2017 йилдан буён Тошкент ирригация ва қишлоқ хўжалигини механизациялаш муҳандислари институтининг ректори лавозимида меҳнат қилмоқда.

Тошкент ирригация ва қишлоқ хўжалигини механизациялаш муҳандислари институтида Ў.Умурзоқов ташаббуси билан талаблардан келиб чиқиб, 9 дан ортиқ янги таълим йўналишлари очилган. Факультетлар сони 5 тадан 8 тага етказилган. Хорижий олий таълим муассасалари тажрибаларини ўрганиш асосида ўқув режа ва фан дастурлари янгидан шакллантирилди.

Ҳозирда институт жаҳон университетлари халқаро рейтинги QS минтақавий рейтингида 301 ўрини ва Times Higher Education (THE)томонидан ўтказилган халқаро предмет рейтингида 201-ўринга лойиқ, деб топилди.

Ўктам Умурзоқов Ўзбекистон Республикаси Сув хўжалиги аълочиси ва Ўзбекистон Республикаси Қишлоқ хўжалиги фидойиси кўкрак нишони билан мукофотланган.

***

PS: Сайтимизда ташкил этилган “Бугун туғилган кун” лойиҳасида турли соҳаларда мамлакатимиз равнақига ўз ҳиссасини қўшаётган инсонлар, давлат ва жамоат арбоблари, академиклар, эл севган ижодкорлар ҳамда касби, танлаган йўлида юқори натижаларга эришаётган ватандошларимизнинг туғилган кунлари бериб борилади.

Мазкур рукнга энди Сиз ҳам тўлов асосида ўз яқинларингизнинг туғилган кунларини жойлаштириш имкониятига эгасиз.

Телеграм: @UzA_pochta, @Ikrom_Avvalboyev

E-mail: uzauz@yandex.ru

Телефон: 71) 233-42-84, (71) 233-21-37

Сайтимизни кузатиб боринг!