Давлат божхона хизмати органлари ходимлари куни муносабати билан минифутбол бўйича Қорақалпоғистон Республикаси божхона бошқармаси бошлиғи кубоги мусобақаси ўтказилди.

Мусобақада Қорақалпоғистон Республикаси божхона бошқармаси тасарруфидаги божхона постлари ҳамда бошқарма аппарати ходимларидан сараланган 5 та жамоа иштирок этди. Ўйин натижаларига кўра бошқарма аппаратининг “Бошқарма 3” жамоаси совринли биринчи ўринни эгаллаган бўлса, “Бошқарма 1” жамоаси иккинчи, “Қорақалпоғистон” темир йўл чегара божхона пости жамоаси учинчи ўринни қўлга киритди.  

 Бу каби тадбирларнинг ўтказилиши ходимлар ўртасида соғлом турмуш тарзини тарғиб қилиб, уларга байрамона кайфият улашишга хизмат қилади.  

Довуд Абибуллаев, ЎзА мухбири