![](https://cdn.uza.uz/2024/03/02/10/35/QXpG0qYseIMkcNlncA5MFZoHZ3qv6LJ2_normal.jpg)
“Олот” чегара божхона пости ходимлари томонидан катта миқдордаги божхона қоидабузарлик ҳолатига чек қўйилди.
Жорий йилнинг 28 февралида божхона постига хорижий йўналишда ҳаракатланиб кириб келган юклар тегишли тартибда “Z-Portal” инспекцион кўрик мажмуаси ёрдамида сканердан ўтказилган.
![](https://cdn.uza.uz/2024/03/02/10/34/mLaluZ1NgvAlELzI069M9Jor7qCNNhAm_front.jpg)
Юкларнинг рентген тасвири ва юк кузатув ҳужжатлари ўртасида тафовутнинг мавжудлиги божхона кўригидан ўтказиш лозимлигини кўрсатган.
![](https://cdn.uza.uz/2024/03/02/10/34/MbOx6gDTqVmakkvLfp4xm4cNCuIlpnD5_front.jpg)
Кўрик жараёнида эса, божхона юк декларациясида фақатгина бир ном остида кўрсатилган юклар аслида бир-биридан батамом фарқланувчи товарлар эканлиги аниқланди.
![](https://cdn.uza.uz/2024/03/02/10/34/MWbFoIknxvieR9bJrxftjfri86t3sZ10_front.jpg)
Божхона тўловларидан қочиш мақсадида амалга оширилган ушбу ноқонуний хатти-ҳаракат ўз вақтида аниқланиши натижасида умумий қиймати 4 миллиард 158 миллион сўм бўлган товар моддий бойликлари вақтинча сақловга олинган.
Ҳолат юзасидан эса, божхона органлари томонидан терговга қадар текширув ишлари олиб борилмоқда.
Зариф Комилов, ЎзА мухбири