Фарғона давлат университети бош ҳисобчиси М.Э мансаб мавқеини суиистеъмол қилиш орқали бюджет маблағларини талон-торож қилганлиги аниқланди.

У “Б.У.Ф” масъулияти чекланган жамиятини норасмий равишда юритиб, олий таълим муассасаси эҳтиёжлари учун ажратилган бюджет маблағлари ҳисобидан электрон дўкон орқали жамиятдан ускуна ва қурилиш материалларини ўртача нархидан 61,1 миллион сўмга қиммат сотиб олган. 

Шунингдек, ўзининг “Э.А.А” деҳқон хўжалигидан шафтоли кўчатларини қиммат нархда харид қилиб, бюджет маблағларини талон-торож қилган.

Мазкур ҳолат юзасидан Жиноят Кодекснинг 167-моддаси 2-қисми “б,г” бандлари билан жиноят иши қўзғатилиб,  тергов ҳаракатлари ўтказилмоқда.

М.Сулаймонов, ЎзА