БМТ: Ғазо мактабларининг 69 фоизи зарбага учраган
![](https://cdn.uza.uz/2024/06/25/10/42/j5ujiKSwTP2WHLo5smHHnKYry3i7rPOQ_normal.jpg)
Бирлашган Миллатлар Ташкилотининг Фаластинлик қочқинларга ёрдам кўрсатиш агентлиги маълумотига кўра, Исроил армияси уйидан мажбуран кўчирилган фаластинликлар бошпана топган Ғазо мактабларининг 69 фоизига зарба берган.
Баёнотда халқаро инсонпарварлик ҳуқуқини очиқдан-очиқ менсимасликка барҳам бериш, Ғазода зудлик билан ўт очишни тўхтатиш зарурлиги таъкидланган.
Дарвоқе, кўчирилган оилалар бошпана топган масканлар тез-тез нишонга айланяпти. Фуқаролик инфратузилмаси вайрон қилинмоқда, касалхоналар, таълим муассасаларига ҳам ҳужум уюштирилмоқда.