Banklardagi muammoli kreditlar 21,9 trillion so‘mni tashkil qilgan
Markaziy bank ma’lumotlariga ko‘ra, 2025 yil iyun oyida banklardagi muammoli kreditlar qoldig‘i 1,6 trillion so‘mga kamaygan.
Shuningdek, yarim yillik yakunlari bo‘yicha banklarning kredit portfeli 575,2 trillion so‘mdan oshgan va muammoli kreditlar qoldig‘i 21,9 trillion so‘mni tashkil qilgan holda jami portfeldagi ulushi 3,8 foizga tushgan. Bu ko‘rsatkich o‘tgan oyda 4,1 foiz edi.
Muammoli kreditlarning kamayishi asosan Ipotekabank, Biznesni rivojlantirish banki, Agrobank, Asakabank va Mikrokreditbank hissasiga to‘g‘ri kelgan.
Sh.Mamaturopova,
O‘zA