Мамлакатимизда бошқа спорт турлари сингари бадиий гимнастика бўйича ўтказилаётган “Янги Ўзбекистон, олимпия чўққилари” спорт мусобақалари жойларда кўтаринки кайфиятда ташкил этилмоқда.

Хусусан, Бухоро, Қашқадарё, Самарқанд, Жиззах, Сурхондарё вилоятларида, Қорақалпоғистон Республикасида жорий йилнинг декабрь ойида пойтахтимизда ташкил этиладиган “Президент олимпиадаси” финал мусобақаларида қатнашадиган маҳоратли спортчилар сараланди.

Бухорода ташкил этилган шиддатли баҳсларда Ферангиз Нутфиллоева, Гўзалбону Боқиева Парвина Аҳадова, Қашқадарё вилоятида Муаттархон Эгамбердиева, Дилнура Анварова, Мохинур Эшпўлатова, Самрқанд мусобақаларида Нозима Элибоева, Амира Рашидова, Анжелина Усеинова, Жиззах вилоятида Мадина Саҳобова, Муаззам Рўзиқулова, Махлиё Жўраева, Сурхондарёда  Гўзал Чориева, Лайло Эгамбердиева, Мусаева Диёра, Қорақалпоғистон Республикасида Гулшод Худойбергенова, Гулназ Маратова, Дилфуза Абдикаримова ғолиб ва совриндорликка эришди.

Энди улар Тошкентда ўтадиган “Президент олимпиадаси”да бош соврин учун кечадиган мусобақаларда ўз омадларини синовдан ўтказади.

Т. Рўзиев, ЎзА