Марказий банк хабарига кўра, жорий йилнинг август ойи мобайнида Ўзбекистон тижорат банкларининг кредит портфели 4,8 трлн. сўмга кўпайиб, жами миқдори 581 трлн. сўмдан ошган.

Кредит портфелининг ўсиши давлат банкларида (+2,5 трлн. сўм) ва бошқа банкларда (+2,4 трлн. сўм) деярли бир хил миқдорда рўй берган.

Кредит портфелидаги муаммоли кредитлар (NPL) улуши август ойи давомида 751,6 млрд. сўмга камайган.

Маълум қилинишича, 1 сентябрь ҳолати бўйича Ўзбекистондаги банкларнинг муаммоли кредитлари (NPL) 21,8 трлн. сўмни ташкил этмоқда.

Кредит портфелига нисбатан NPL улуши 3,8 фоизгача камайди. Деярли барча банкларда қайтарилмаётган кредитлар билан вазият йил бошига нисбатан яхшиланди. 

Энг кўп NPL улуши мавжуд банк “Гарант банк” ҳисобланади — 12,9 фоиз. 

Муаммоли кредитлари миқдори энг кўп банк эса 3,1 трлн. сўм билан “Миллий банк” бўлиб турибди. Бироқ банк августда 700 млрд. сўмга яқин NPLдан қутулишга эришди.

Ш. Маматуропова, ЎзА