АҚШ озиқ-овқат тақчиллигига дуч келмоқда
Қўшма Штатлар президент Жо Байден сиёсати туфайли мисли кўрилмаган озиқ-овқат танқислигига дуч келмоқда. Daily Wire: журналисти Майкл Ноулз (Maykl Noulz) шундай огоҳлантириш билан чиқди.
Кузатувчининг қайд этишича, Байден 14 ойдан бери ҳокимият тепасида. Бу вақт ичида инфляция 40 йиллик энг юқори даражага етди ва бензин нархи тарихий рекордни янгилади.
Эслатиб ўтамиз, аввалроқ Байден Украинадаги воқеалар ва Россияга нисбатан жорий қилинган санкциялар глобал дефицитни келтириб чиқариши мумкинлигини айтган эди. Шу билан бирга, у Россия ва Украинани Европанинг “нон савати” деб атаган.
БМТ Жаҳон озиқ-овқат дастурининг расмий вакили Томсон Пири, ўз навбатида, Украинадаги воқеалар озиқ-овқат нархининг ошиши ва дунёда очарчиликка олиб келиши мумкинлигидан огоҳлантирди.
Пандемиядан кейинги ишлаб чиқариш таъминот занжири узилишлари, айрим товарларга талабнинг ўсиши, газ ва нефть нархларининг кескин кўтарилиши натижасида инфляция бутун дунё бўйлаб тезлашмоқда.
Шундай қилиб, февраль ойида АҚШда йиллик инфляция 7,9% гача тезлашди, бу 1982 йилдан бери энг юқори кўрсаткич бўлди. Ва евроҳудудда ҳам нархларнинг рекорд даражасида ўсиши кузатилмоқда.
