АҚШ Ирандағы әскери нысандарға әуеден соққы жасады
Таяу Шығыстағы жағдай әлі күнге нашар жағдайда қалып отыр. АҚШ Иран аумағындағы әскери нысандарға әуеден соққы жасады. Бұған жауап ретінде Тегеран да Америка базаларына зымыран ұшырды. Жағдай шиеленіскен тұста, екі мемлекет те ресми түрде бейбіт келісімнің бұзылғанын жоққа шығаруда.
АҚШ Орталық қолбасшылығы Иран аумағындағы бірнеше әскери нысанға әуеден соққы жасалғанын мәлімдеді. Ресми ақпаратқа сәйкес, Америка әскери авиациясы Иранның Горук аймағы мен Кешм аралында орналасқан радиолокациялық жүйелер мен ұшқышсыз ұшу аппараттарын басқару орталықтарын нысанаға алған.
Ақ үй бұл операцияны «қорғаныс сипатындағы жауап шарасы» деп бағалады. Шабуыл халықаралық әуе кеңістігінде Американың MQ-1 үлгісіндегі барлау дроны Иран тарапынан атып түсірілгеннен кейін жүзеге асырылған.
Салдарынан Ислам Республикасының әуе кеңістігін қорғау жүйесі, дрондарды басқару штабы және екі әскери дрон толықтай жойылғаны хабарланды.
