АҚШ ва Хитой ўртасидаги тарангликни юмшатишга қаратилган музокаралар келишув билан якунланди, деб ёзмоқда “BBC” нашри.

Хитой америкалик компанияларга магнит ва нодир тупроқ металларини етказиб беришга рози бўлди, АҚШ эса хитойлик ёшларга талаба визаларини бекор қилмайди.

Дунёнинг икки йирик иқтисодиёти ўртасидаги савдони деярли фалаж қилиб қўйган тарифлар жанги Лондонда икки кун давом этган қизғин музокаралардан сўнг бироз юмшагандек.

Оқ уй матбуот котиби Каролин Левитнинг айтишича, Трамп ҳозирда келишув тафсилотларини кўриб чиқмоқда.

Мусулмон Зиё, ЎзА