Алломаларимиз ҳақида 10 та факт 

Ўзбекистон Миллий ахборот агентлиги ҳамда Республика Маънавият ва маърифат маркази ҳамкорлигидаги “Алломаларимиз ҳақида 10 та факт” лойиҳасининг навбатдаги сони темурийлар салтанатининг асосчиси, адолат пешвоси бўлган бобокалонимиз Амир Темурга бағишланади. 

Ҳам ҳукмдор, ҳам маданият ва маърифат, бунёдкорлик ҳомийси бўлган Амир Темур ҳақида сиз ва биз билмаган айрим факт ва маълумотларни эътиборингизга ҳавола қиламиз. 

1) Амир Темурнинг тўлиқ исми Темур ибн Тарағай Барлосдир. 

2) Амир Темур шатранж ўйинининг ашаддий ишқибози бўлган. 

3) У жаҳон тарихидаги энг қудратли ва йирик империялардан бирига асос солган. 

4) Амир Темур ўзи иштирок этган жангларнинг бирортасида мағлуб бўлмаган. 

5) Амир Темурнинг бунёдкорлик ишлари таҳсинга лойиқ. Оқсаройнинг кириш пештоқидаги “Агар бизнинг қудратимизга шубҳа қилсангиз, қурган иморатларимизга боқинг”, деб ёздирган сўзлари бунга далилдир. 

6) Амир Темур 27 та давлат ҳудудини забт этишга муваффақ бўлган. 

7) Йигирма йил давомида Усмонли султонлари қўлга кирита олмаган Смирна қалъасини икки ҳафта ичида ишғол этган. 

8) Амир Темурнинг ҳаёти давомидаги энг катта юриши Ироқ сафарида бўлиб, етти йил давом этган. 

9) Айни пайтда Амир Темурга тегишли рубин тоши, унинг қиличи Теҳрон музейида сақланади. 

10) 1996 йилда пойтахтимизда Темурийлар тарихи давлат музейи очилган, шунингдек, Тошкент, Самарқанд, Шаҳрисабз шаҳарларида буюк саркарданинг ҳайкаллари ўрнатилган.  

<iframe width="650" height="420" src="https://www.youtube.com/embed/kbUE45aQ5PQ" title="Amir Temurning qilichi qayerda saqlanmoqda?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Комилова, А.Аҳмедов (видео), ЎзА