ФОТОРЕПОРТАЖ

Давлатимиз раҳбарининг 2021 йил 3 декабрдаги “Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳоким ёрдамчилари фаолиятини ташкил этиш чора-тадбирлари тўғрисида”ги қарори асосида Қорақалпоғистон Республикасининг Амударё туманидаги мавжуд 49 та маҳаллада ҳам ҳоким ёрдамчилари фаолияти йўлга қўйилган.

Ҳоким ёрдамчилари ўз маҳалласида тадбиркорликни ривожлантириш ва янги иш жойларини ташкил этишга масъул сифатида ишсиз фуқароларни касб-ҳунарга ва тадбиркорликка ўқитиш, уларга ер майдонлари, кредит ажратилиши, ва бошқа зарурий масалаларда кўмак бериш, ҳудуд инфратузилмасини ривожлантиришда тизимли ишларни ташкил этмоқда. 

[gallery-6417]

Туманнинг “Юқори қишлоқ” маҳалла фуқаролар йиғинига бириктирилган ҳоким ёрдамчиси Дониёр Худойқулов аҳоли муаммоларини ҳал этишда кутилган натижаларга эришмоқда.

Мазкур  маҳаллада 2 минг 500 нафардан ортиқ аҳоли истиқомат қилади. Ҳоким ёрдамчисининг ташаббуси билан шу кунгача тадбиркорлик фаолиятини йўлга қўйиш истагидаги 20 га яқин фуқарога банкдан имтиёзли кредит олишда ҳамда 2 нафар кишига иссиқхона қуриши учун давлат томонидан субсидия  ажратилишида тегишли ёрдам кўрсатилди. Шунингдек, ҳудуддаги ишсиз ёшлар ва аёлларнинг касб-ҳунар ўрганишида зарур амалий кўмак берилмоқда.  
Ҳоким ёрдамчиси маҳаллани ободонлаштириш ишларига ҳам алоҳида эътибор қаратган. 
 

Мақсад ҲАБИБУЛЛАЕВ (сурат),ЎзА