15 февраль куни Абхазия президентлигига сайлов бўлиб ўтди. Номзодларнинг ҳеч бири сайловчиларнинг ярмидан кўпи овозини ололмади. Шу тариқа нисбатан юқори натижа қайд этган икки даъвогар кейинги босқичга йўлланма олди.

– Дастлабки маълумотга кўра, Бадра Гунба ва Адгур Арзинба курашни давом эттиради, – деди Марказий сайлов комиссияси раиси Дмитрий Маршан журналистларга. – Саноқни якунладик, овозларни сарҳисоб қиляпмиз. Дастлабки натижа аён. Ҳар ҳолда, иккинчи турни ўтказиш зарурати бор. Аниқ рақамлар бугун эълон қилинади.

Эслатиб ўтамиз, 2024 йил ноябрь ойида Абхазия парламенти Сухумида Президент Аслан Бжаниянинг истеъфосини қабул қилган.

Шундан сўнг муддатидан олдин президентлик сайлови санаси белгиланган эди.