Элнинг асрий тилаги – оналар мотам тутмасин. Буни кўрмоқ, кузатмоқ, хис қилмоққа қайси юрак дош беради? Аммо иккинчи жахон уруши жумладан Ўзбекистонда ҳам она қаддини букди. Не-не ўғлонлар жанг майдонида шаҳид бўлдилар.

Ҳар йили 9 – май куни улар хотирасига ҳурмат бажо келтирилади. Юрт, ватан қаҳрамонларининг издошлари, меҳнат фахрийлари, давлат ва жамоат арбоблари шу куни тенг мақомда бўладилар. Хотиралар тилга киради Ўзбекистоннинг бугуни учун жон фидо қилганлар номлари тилдан тушмайди.  

Фарғона вилоят ҳокими Хайрулло Бозаров бошчилигида уруш иштирокчилари, меҳнат фахрийлари йўқланди. Ўтганлар хотираси ёдга олинди.

Бугун вилоятнинг бош майдонларидан бирида йиғилган кенг жамоатчилик вакиллари энидигина ниш урган баҳорий лолалар, анвойи ифорли атиргуллар дасталарини олиб мотамсаро она ҳайкали пойига қўйдилар.  

Яна қанча йиллар, замонлар ўтмасин халқимизнинг қадриятига айланган хотира ва қадрлаш абадий давом этаверади.  

<iframe width="853" height="480" src="https://www.youtube.com/embed/u1MH8mEVeqs" title="Abadiy qadriyat" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳаммаджон Обидов,

Элёр Олимов, Иброҳим Душанов (видео), ЎзА