1972 йилда Венерага учирилган сайёралараро космик аппарати — «Космос-482» яқин кунларда ерга қулаб тушиши кутилмоқда. Бу ҳақда ББC хабар берди. Қурилма техник носозлик сабабли ўз вазифасини бажара олмаган ва орбитада қолиб кетган.

НАСА маълумотларига кўра, модуль ер орбитасида 50 йилдан бери ҳаракатланмоқда. Унинг оғирлиги 495 кг бўлиб, ерга 8–14 май кунлари орасида тушиши тахмин қилинмоқда. Аниқ тушиш жойи номаълум, аммо эҳтимолий ҳудудлар қаторига Миср, Сурия, Туркия ва Озарбайжон киради. Агар қурилма атмосферадан тўлиқ ўтиб тушса, у соатига 242 км тезликда ерга урилади. Зарба кучи 1,1–1,2 мегажоулни ташкил этади — бу юзлаб грамм тротил портлаши кучига тенг.  

«Космос-482» — «Венера-8» аппаратининг захира нусхаси бўлиб, 1972- йилнинг 31 мартида Бойқўнғир космодромидан учирилган эди. Асосий аппарат муваффақиятли тарзда Венерага етиб борган, «Космос-482» эса орбитада қолган.

<iframe width="560" height="315" src="https://www.youtube.com/embed/AJ_PcddmTjM?si=OGKM7i5YEqvg6CeZ" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Анвархўжа Аҳмедов, ЎзА