Англиянинг Ливерпуль шаҳрида бокс бўйича катталар ўртасида ўтаётган жаҳон чемпионатида Ўзбекистон терма жамоасининг 5 нафар вакили финал босқичига чиқди.
Жумладан, аёллар ўртасидаги -65 кг. вазн тоифасида Навбаҳор Ҳамидова ярим финал босқичида Чен Ниен-Чин мағлубиятга учратиди ва сўнгги финал босқичига чиқди. Эркаклар орасида Олимпия ўйинлари ғолиби Абдумалик Халаков -60 кг. вазн тоифсида япониялик Шунсуке Китамотони таслим этган ҳолда чемпионатнинг олтин медали учун курашни давом эттириш ҳуқуқини қўлга киритди. Шунингдек, Фазлиддин Эркинбоев, Тўрабек Ҳабибуллаев ва Жаҳонгир Зокиров каби чарм қўлқоп усталаримиз ўз вазнларида 1/2 финал босқичидан муваффақиятли ўтди.
Бугун, 13 сентябрь куни Сабина Бобоқулова, Феруза Казакова, Азиза Зокирова, Асадхўжа Мўйдинхўжаев, Жавоҳир Умматалиев ҳамда Акмалжон Исроилов дунё биринчилигининг финал йўлланмаси учун ўтадиган беллашувларда рингга кўтарилади. Фазлиддин Эркинбоев эса ушбу кунда жаҳон чемпионлиги учун жанг қилади.
Жавоҳир Тошхўжаев, ЎзА