Хабар берганимиздек, Грециянинг Ираклион шаҳри мезбонлик қилаётган оғир атлетика бўйича ёшлар ўртасидаги жаҳон чемпионатининг иккинчи куни мамлакатимиз спортчилари учун омадли кечди.

Дунёнинг 61 та давлати вакиллари орасида 55 килограмм оғирликдаги басҳларда ҳамюртимиз Жамила Панфилова ўз салоҳиятини намойиш қилди. У иштироки мобайнида иккита медалга эга чиқди.

Тошкент вилояти вакиласи даст кўтариш машқида 86 килограмм натижа қайд этиб, бронза медалини қўлга киритган эди. Аҳамиятлиси, бу Панфиловага икки курашдаги медаллар учун баҳсда катта захира бўлди. Силтаб кўтариш машқида 100 килограмм тошни бўйсундирган полвон қизимиз ушбу йўналишда олтинчи натижани қайд этган бўлса ҳам, икки курашда бронза медалига сазовор бўлди.

Ушбу оғирликда бельгиялик Нина Стеркх 204 (93+111) килограмм натижа билан олтин медалга мушарраф бўлди. Кумуш медаль украиналик Свитлана Самулякка (192 (89+103)) насиб этди.

Т. РЎЗИЕВ, ЎзА