Республика Гидрометеорология марказининг хабар беришича, 11 апрель куни Тошкентда ҳаво ўзгариб туради, ёғингарчилик бўлмайди. Шарқдан секундига 5-10 метр тезликда шамол эсади. Кечаси 15-17 даража, кундузи 26-28 даража илиқ бўлади.

Қорақалпоғистон Республикаси ва Хоразм вилоятида ҳаво ўзгариб туради, баъзи жойларда қисқа муддатли ёмғир ёғиб, момақалдироқ бўлиши мумкин. Ғарбдан секундига 7-12 метр тезликда шамол эсади. Баъзи жойларда шамолнинг тезлиги секундига 17-22 метргача кучайиши, айрим жойларда чанг-тўзонлар кузатилиши мумкин. Кечаси 12-17, кундузи 20-25 даража илиқ бўлади.  
Бухоро  ва Навоий вилоятларида ҳаво ўзгариб туради, ёғингарчилик бўлмайди. Шарқдан  секундига 7-12 метр тезликда шамол эсади. Баъзи  жойларда шамолнинг тезлиги чанг кўчиши билан бирга секундига 17-22 метргача кучайиши мумкин.  Кечаси 14-19 даража илиқ,  кундузи 25-30 даража иссиқ бўлади.  
Тошкент, Самарқанд, Жиззах ва Сирдарё вилоятларида ҳаво ўзгариб туради, ёғингарчилик бўлмайди. Шарқдан  секундига 7-12 метр тезликда шамол эсади, баъзи  жойларда шамол тезлиги секундига 17-22 метргача кучайиши, Жиззах вилоятида айрим жойларда  чанг-тўзонлар билан бирга 25-28 метргача кучайиши мумкин.  Кечаси  12-17 даража,  кундузи  24-29 даража илиқ бўлади. 
Қашқадарё ва Сурхондарё вилоятларида ҳаво ўзгариб туради,  ёғингарчилик бўлмайди. Шарқдан секундига 7-12 метр тезликда шамол эсади, баъзи  жойларда шамол тезлиги секундига 17-22 метргача кучайиши, Сурхондарё вилоятида айрим жойларда  чанг-тўзонлар билан бирга 25-28 метргача кучайиши мумкин. Кечаси 15-20 даража илиқ,  кундузи 28-33 даража иссиқ бўлади. 
Андижон, Наманган ва Фарғона вилоятларида ҳаво ўзгариб туради, ёғингарчилик бўлмайди. Шарқдан секундига 7-12 метр тезликда шамол эсади. Кечаси 12-17 даража илиқ,  кундузи 27-32 даража иссиқ бўлади. 
Республикамизнинг тоғолди ва тоғли ҳудудларида ҳаво ўзгариб туради, баъзи жойларда қисқа муддатли ёмғир ёғиб, момақалдироқ бўлиши мумкин. Ғарбдан секундига 7-12 метр тезликда шамол эсади. Момақалдироқ пайтида шамолнинг тезлиги секундига 17-22 метргача кучайиши мумкин. Кечаси 8-13, кундузи 20-25 даража илиқ бўлади.

Муҳим ҳодисалар

10-11 апрель кунлари республикамизнинг айрим жойларида шамол тезлиги кучайиши, баъзи туманларда чанг-тўзонлар кузатилиши мумкин, жумладан:   
10 апрель куни Хоразм,  Бухоро ва Навоий вилоятларида  шамолнинг тезлиги секундига 17-22 метргача кучайиши мумкин; 
11 апрель куни республикамизнинг баъзи жойларида шамолнинг тезлиги секундига 17-22 метргача, Бухоро, Навоий, Жиззах ва Сурхондарё вилоятларида  секундига 25-28  метргача кучайиши мумкин.

ЎзА