Ўзбекистон Республикаси Гидрометеорология хизмати маркази хабарига кўра, жорий йилнинг 4-5 ноябрь кунлари Ўзбекистон ҳудудига Қозоғистон орқали Урал ҳудудлари устида шаклланган совуқ ҳаво массалари кириб келиши натижасида республика бўйича ҳарорат 10-13 даражагача пасаяди.

Кундуз кунлари ҳаво ҳарорати 3-8 даража илиқни ташкил этса, 5 ноябрда ҳарорат кечаси 2-7 даража совуқгача, шимолда 5-10 даража совуқгача пасаяди. Республиканинг айрим жойларида 4 ноябрда шамол тезлиги 15-20 м/с гача кучайиши кутилмоқда.