Эркин кураш бўйича “Рио – 2016” Олимпия ўйинлари совриндори Магомед Ибрагимов (-97 кг) “Токио – 2020”нинг биринчи беллашувида туркиялик курашчига қарши гиламга чиқди.

Сулаймон Караденизга қарши кечган курашда Ибрагимов ҳисобда олдинда бораётган эди. Бироқ Карадениз ҳисобни тенглаштиришга муваффақ бўлди ва сўнгги очкони олгандаги устунлиги эвазига кейинги даврага йўл олди.  

Энди туркиялик курашчи финалга борган тақдирда вакилимиз бронза медали учун курашни давом эттиради, дейилади Миллий олимпия қўмитаси матбуот хизмати хабарида.

ЎзА