АҚШ Президенти Жо Байден Россия Президенти Владимир Путин билан 16 июнь куни Женевада учрашадиган бўлди, дея хабар берди Оқ уй матбуот котиби Жен Псаки.

Эслатиб ўтамиз, ушбу учрашув икки Президентнинг биринчи мулоқоти бўлади.

Оқ уйдан маълум қилишларича, раҳбарлар АҚШ-Россия муносабатлари барқарорлигини мустаҳкамлаш масалаларини муҳокама қилади. Қолаверса, улар глобал муаммолар мавзусида фикр алмашадилар.

Мазкур учрашув бир нечта халқаро саммитлар доирасида бўлиб ўтиши режалаштирилган. Бу Буюк Британиядаги G7 саммитидан бир неча кун ўтгач, амалга оширилади. Шунингдек, 14 июнь куни НAТО раҳбарларининг йиғилиши ҳам ўтказилади.