АҚШ ва Европа Иттифоқи 26 май куни Сурияда бўлиб ўтадиган президент сайловининг ноқонуний эканини аввалдан эълон қилиб қўйишган, деб баёнот берди Россия Федерацияси ташқи ишлар вазирлигининг махсус топшириқлар бўйича элчиси Владимир Чуров РИА Новостига берган интервьюсида.

– АҚШ, Туркия, Европа Иттифоқи ўзларини Суриянинг инқилобий ва мухолифат кучлари Миллий коалицияси, деб атаётган ташкилотга бирдамлигини кўрсатиб, олдиндан сайлов натижаларини тан олмасликка қарор қилишди, – деди у.

Сурияда 26 май куни сайлов бўлиб ўтади. Бутун мамлакат бўйлаб ташкил этилган 10 мингдан ортиқ сайлов участкалари эрталаб соат еттидан кеч соат еттигача очиқ бўлади.

Сурия президентлигига номзодлар орасида ички мухолифат вакили Маҳмуд Аҳмад Мерий, социалистик партиянинг собиқ депутати Абдуллоҳ Салим Абдуллоҳ ва амалдаги президент ва БААС партиясининг бош котиби Башар Асад бор.