Ўзбекистон Республикаси Гидрометеорология хизмати агентлигининг хабар беришича, 24 февраль куни Тошкентда ҳаво ўзгариб туради, бироз ёмғир ёғиши мумкин. Шарқдан эсаётган шамол ўз йўналишини ўзгартириб, ғарбдан секундига 7-12 метр тезликда эсади. Кечаси 7-9, кундузи 15-17 даража илиқ бўлади.

Қорақалпоғистон Республикаси ва Хоразм вилоятида ҳаво ўзгариб туради, айрим жойларда бироз қор ёғиб, туман тушиши мумкин. Ғарбдан секундига 7-12 метр тезликда шамол  эсади. Кечаси 3-8, кундузи 0-5 даража совуқ, Устюрт бўйлаб кечаси 10-15, кундузи 3-8 даража совуқ бўлади.     

Бухоро ва Навоий вилоятларида ҳаво ўзгариб туради, баъзи жойларда ёғингарчилик (ёмғир ёғиб, қорга айланиши мумкин) бўлиб, айрим жойларда кучайиши мумкин. Туман тушиши кутилмоқда. Ғарбдан секундига 7-12 метр тезликда шамол эсади. Кечаси 0-5, кундузи 2-7  даража илиқ, Навоий вилояти шимолида кечаси 0-5 даража совуқ, кундузи 0-5 даража илиқ бўлади.   

Тошкент, Самарқанд, Жиззах ва Сирдарё вилоятларида ҳаво ўзгариб туради, баъзи жойларда ёмғир ёғиши мумкин. Шарқдан эсаётган шамол ўз йўналишини ўзгартириб, ғарбдан секундига 7-12 метр тезликда эсади. Кечаси 7-12, кундузи 12-17 даража илиқ бўлади.     

Қашқадарё ва Сурхондарё вилоятларида ҳаво ўзгариб туради, айрим жойларда ёмғир ёғади. Баъзи жойларда кучли бўлиши мумкин. Ғарбдан секундига 7-12 метр тезликда шамол эсади. Айрим жойларда шамолнинг тезлиги секундига 15-20, баъзи туманларда 23-25 метргача кучайиши мумкин. Кечаси 5-10, кундузи 10-15 даража илиқ бўлади.   

Андижон, Наманган ва Фарғона вилоятларида ҳаво ўзгариб туради, ёғингарчилик бўлмайди. Шарқдан секундига 5-10 метр тезликда шамол эсади. Кечаси 2-7, кундузи 15-20 даража илиқ бўлади.     

Республикамизнинг тоғли ҳудудларида ҳаво ўзгариб туради, айрим жойларда ёғингарчилик (ёмғир,қор) бўлиб, баъзи туманларда кучайиши мумкин. Туман тушиши кутилмоқда. Шарқдан эсаётган шамол ўз йўналишини ўзгартириб, ғарбдан секундига 7-12 метр тезликда эсади. Кечаси 0-5, кундузи 7-12 даража илиқ бўлади.   

Муҳим ҳодисалар   

Жорий йилнинг 24-27 февраль кунлари Ўзбекистон ҳудудига нам ва совуқ ҳаво масссалари кириб келади. Республика бўйича об-ҳавонинг кескин ўзгариши кутилмоқда.   

24-27 февраль кунлари республика бўйича вақти-вақти билан ёғингарчилик (баъзи жойларда кучли ёмғир ёғади, 25-27 февраль кунлари қорга айланади) бўлади. Шимолда вақти-вақти билан қор ёғади.   

Айрим жойларда шамолнинг тезлиги секундига 15-20, баъзи жойларда 23-25 метргача кучайиши мумкин.   

26-27 февраль кунлари ҳаво ҳарорати кечалари 0-5 даража совуққача, шимолда 6-9 даража совуққача, кундуз кунлари 0-5 даража илиққача пасаяди.   

ЎзА