Таиланд мамлакати мезбонлик қилаётган бокс бўйича Осиё чемпионатининг U19 ёш тоифасидаги қизлар ўртасида 4 нафар ҳамюртимиз ярим финал йўлланмасини қўлга киритди.

Чемпионатнинг  -75 кг. вазнида бўлиб ўтган чорак финал жангида Мафтуна Янгиева Жанубий Корея вакили Мина Жунгни иккинчи раундда техник нокаутга учратган бўлса, Райҳона Қурбонбоева вазни -70 килограммгача бўлган боксчи қизлар ўртасидаги 1/4 финал босқичида Хитой Тайпейи шарафини ҳимоя қилган Чун-Аи Каога ҳеч қандай имкон қолдирмади. Шунингдек, ўз вазн тоифаларида Севара Маматова ҳамда Мафтуна Мусурмонова ярим финалга чиқди.  

Бугун, 6 август куни Осиё чемпионатида 22 ёшгача бўлган 18 нафар боксчимиз финал остонасида жанг қилади. Қайд этиш лозимки, ушбу босқичга U22 жамоамиз йўқотишларсиз, тўлиқ таркиб билан етиб келди.

Жавоҳир Тошхўжаев,

ЎзА