Сирдарё вилоятида коронавирус инфекциясини юқтирганликда гумон қилиниб, карантинга олинган 140 нафар Хитой Халқ Республикаси фуқаролари ушбу касалликка чалинмаганлиги аниқланди.

Сирдарё вилоятида коронавирус инфекциясини юқтирганликда гумон қилиниб, карантинга олинган 140 нафар Хитой Халқ Республикаси фуқаролари ушбу касалликка чалинмаганлиги аниқланди.

Давлатимиз раҳбарининг ташаббуси билан Ўзбекистонда коронавирус пандемияси қайд этилгач, республикамизнинг барча ҳудудларда ушбу дардга чалинганликда гумон қилинган фуқароларни алоҳидалаштириш (изолация) мақсадида кўплаб карантин муассасалари ташкил этилган эди.

Сирдарё тумани ҳудудидаги “WANG DA GROUP” қўшма корхонасида худди шундай мкассасалардан бири ташкил этилиб, у ерда Хитойдан чартер рейсларда юртимизга келган, Ўзбекистон – Хитой қўшма корхоналарида фаолият кўрсатаётган Хитой Халқ Республикасининг 140 нафар фуқаролари тиббий назорат учун жойлаштирилган эди.

Ана шу хорижлик фуқаролар 14 кун давомида сирдарёлик 5 нафар олий, ўрта ва кичик тиббиёт ходимлари назоратида бўлди. Ушбу давр давомида улардан 2 маротаба таҳлил олиниб, Республика ва вилоят санитария-эпидемиологик осойишталик маркази қошидаги вирусология лабораториясида таҳлилдан ўтказилди ва мазкур лобаротория мутахассисларининг якуний хулосаларига кўра, уларда коронавирус аломатлари қайд этилмади.

Ҳудуддаги қўшма корхоналарда фаолият юритаётган 140 нафар хитойлик фуқаролар соғлом эканлиги учун улар ўзлари меҳнат қилаётган муассасаларга кузатиб қўйилди.