Зеленский 9 май муносабати билан таклиф қилинган сулҳга изоҳ берди (+видео)
Украина президенти Володимир Зеленский 9 май муносабати билан таклиф қилинаётган сулҳга изоҳ берар экан, Москвадаги парад учун бир неча соатлик эмас, балки узоқ муддатли ўт очишни тўхтатиш зарур, деган. Бу ҳақда DW нашри хабар қилди.
Украина президенти Володимир Зеленскийнинг маълум қилишича, Украина вакилларига АҚШ президенти Дональд Трамп жамоаси билан боғланиб, Россия томонининг вақтинчалик ўт очишни тўхтатиш таклифи ҳақида батафсил маълумот олиш топширилган.
У шунингдек, Украина Москвадаги парад учун бир неча соатлик хавфсизликдан эмас, балки ишончли хавфсизлик кафолати ва узоқ муддатли тинчликни таъминлайдиган сулҳдан манфаатдор.
Россия президентининг ёрдамчиси Юрий Ушаковнинг маълум қилишича, Владимир Путин АҚШ президенти Дональд Трамп билан телефон суҳбатида Ғалаба куни байрами даврида ўт очишни тўхтатишга тайёр эканлиги ҳақида уни хабардор қилган. Ушаковнинг сўзларига кўра, Трамп бу ташаббусни қўллаб-қувватлаган.
Дональд Трамп 29 апрель куни Оқ уйда журналистлар билан суҳбатда бу ғояни ўзи Путинга таклиф қилганини маълум қилди. Унинг сўзларига кўра, у Путиндан қисқа муддатли ўт очишни тўхтатишни сўраган.
“У шундай қилади. Балки бу ҳақда бирор нарса эълон қилар. Мен ундан ҳеч бўлмаганда қисқа муддатли ўт очишни тўхтатишни сўрадим!”, — деган Трамп.
Трампнинг сўзларига кўра, Путин унга Эрон билан боғлиқ вазиятни ҳал қилишда ёрдам бериши мумкинлигини айтган.
Аввалроқ Трамп бунга аниқлик киритиб, Россия Эрондаги бойитилган уран захираларини олиб чиқиш жараёнида иштирок этишни хоҳлаётганини айтган эди. Бунга жавобан Трамп бизга ёрдам беришингдан олдин, ўзингдаги урушни тугатишингни хоҳлайман, деган.
Шунингдек, Трамп “Путин бир муддат аввал келишувга тайёр эди, лекин баъзи одамлар бу жараённи қийинлаштириб юборди”, деб қўшимча қилган. Бироқ, ўзи айтган бу гапларга батафсил изоҳ бермаган.
<iframe width="650" height="420" src="https://www.youtube.com/embed/dOKk0RFeb50" title="Zelenskiy 9 may munosabati bilan taklif qilingan sulhga izoh berdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Анвархўжа Аҳмедов, ЎзА
