Велоспортчиларимиз Филиппинда тарихий ютуққа эришди

Филиппинда велоспортнинг трек йўналиши бўйича ўтаётган қитъа чемпионатининг илк кунида ёш қизлар ўртасида ўтган биринчи кунги дастур пойгаларида терма жамоамиз аъзолари бронза медалини қўлга киритди.

Айтиш лозим, Осиё чемпионатлари доирасида ташкил этилган жамоавий йўналишда Ўзбекистон терма жамоаси вакиллари бугунгача шоҳсупадан жой олмаган эди.

Шу жиҳатдан, ушбу кўрсаткич мамлакатимиз велоспортчилари учун тарихий натижа сифатида эътироф этилди.

Чемпионатнинг 4 километр масофага мўлжалланган “Team Pursuit” дастури техник жиҳатдан анча мураккаб пойгалардан бири ҳисобланади.

Мазкур беллашувда Екатерина Макарочкина, Гулҳаё Сатторова, Роксана Ҳикматова ҳамда Дилнурахон Мирзавалиева терма жамоамиз шарафини ҳимоя қилди.

20 тадан зиёд давлатнинг энг маҳоратли велоспортчилари қатнашаётган чемпионат 31 мартга қадар давом этади.

Т.Рўзиев,

ЎзА